Главная » 2021 » Апрель » 13 » Сөбүлүүр дьарыкпыт үөрүүнү аҕалар
03:34
Сөбүлүүр дьарыкпыт үөрүүнү аҕалар

О5о барыта үөрэҕин таһынан эбии дьарыктаах буолар. Биһиги кыра сааспытыттан мас тардыһыытынан сөбүлээн дьарыктанабыт. Тренербит физкультура учуутала Власий Федорович Семёнов. Быйылгы үөрэх дьылыгар, саас аан дойдуну бүрүүкээбит хамсык хаптайан, араас спортивнай күрэхтэһиилэр тэриллибиттэрэ.

Муус устар 3-4 кунугэр Булуу улууhун Хампа нэhилиэгэр Булуу улууьун бочуоттах олохтоо5о, «Мужество» уордьан кавалера Егор Терентьевич Евсеев сырдык кэриэһигэр оскуола үөрэнээччилэригэр өрөспүүбүлүкэтээҕи мас тардыһыы турнира буолан ааспыта. Бу күрэхтэһиигэ өрөспүүбүлүкэ элбэх улууһуттан: Бүлүү, Сунтаар, Үөһээ Бүлүү, Ньурба, Дьокуускай, Хатас, Уус-Алдан, Мэҥэ Хаҥалас, Өлүөхүмэ, Горнай- барыта 12 хамаанда мадьынылара күөн көрүстүлэр.

 Биhиги оскуолабытыттан барыта 14 үөрэнээччи баран күүһүн холонно. Икки күннээх тыҥааһыннаах киирсии түмүгэр биһиги оскуолабыт оҕолоро сыралаах үлэлэрин түмүгүн көрдөрдүлэр. Кыргыттарга 2003с  уонна кыра саастаахтарга: Прокопьева Сайыына – 9 кылаас, 50 кг 3 миэстэни, Орлосова Светлана- 5 кылаас, 45 кг 3 миэстэни,Крылова Регина- 8 кылаас, 40 кг 1 миэстэни ыллылар.

Уолаттарга 2005с уонна кыра саастаахтарга: Павлов Айаал- 8 кылаас, 45 кг 1 миэстэни, Михайлов Ян-8 кылаас, 50 кг 1 миэстэни, Иванов Даниил- 9 кылаас 60 кг 1 миэстэни, Семенов Эрчимэн- 9 кылаас, 65 кг 3 миэстэни ыллылар

 Биhиги  3 үрүҥ көмүс, 4 кыhыл көмүс мэтээли  ылан, кыайыы өрөгөйүн биллибит, үөрдүбүт.

Ити ситиһии барыта тренербит Власий Фёдорович уонна биһиги дьаныардаах  дьарыкпыт түмүгэ буолар. Мас тардыһыытын өрө тутан, дьарыкпытын салгыыбыт, өссө да ситиһиилэр үгүс буолуохтара диэн эрэнэбит.

 С.М.Васильев аатынан Чернышевскай орто оскуолатын

 9 кылааһын үөрэнээччитэ Эрчимэн Семенов.

Просмотров: 6 | Добавил: fedora | Рейтинг: 0.0/0
Всего комментариев: 0
avatar